Posted by: gloseep on: 2009/11/20
「Unfriend」這字列入牛津辭典2009年度詞彙，可謂實至名歸，因為入時、貼近生活、影響廣和遠，而且，仍然聯繋到千年不變的人性根本。 首先，「friend」的定義跟前Web 2.0世代已經不一樣了，facebook上那二百個「Friend」，不是上世紀狹義的「朋友」、「知己」、「好姊妺」，而是廣義的「相識」，包括看過一場演唱會只碰過一次面的朋友的朋友、唸書時無乜兩句的舊同學、以前曖昩過猜忌過避開過的人。如果你是輕度至嚴重camera sluts，更包括從朋友tag相中跟你「相睇」過的朋友的表哥、久聞你跳鋼管舞，對你好像有意思又唔見得發展出甚麼意思的朋友的舊同學、老公的兄弟和網友等。 所謂「unfriend」，就是醒覺到以上現象，堅持回到「朋友」的基本狹義之舉。這字反映一件很型的事：人在真實世界以虛假一面示人，在虛擬世界，卻終於回復真面目。大家在日常社交客套寒暄，回到虛擬社交，真係唔使客氣，我唔care你你亦唔使care我，一於unfriend你。
