Posted by: gloseep on: 2009/04/05
刊載於 CosmoGIRL! April 2009 / Issue 92 有次在電視收看飲食節目，見城中食家帶兩名女藝員過澳門吃又平又靚的魚翅，一邊用匙羹舀碗中大大排的翅，一邊讚嘆：「嘩，啲翅好似牙簽咁大條呀，嘩，35蚊一碗翅好抵啊。」繼而有人聲稱可以做埋「魚翅Facial」，當下一刻，我覺得好唔Fab。 第一唔Fab，是過時。「吃魚翅 = 識嘆」實在很八十年代，當時香港經濟正值起飛，很多人炒樓炒股票賺大錢魚翅撈飯，但現在呢，已經是後「.com」泡沫後沙士後供新股後滙豐年代了，浮華生活再無人追捧。 第二唔Fab，是不文明。受過教育、有求知欲、關愛世界的人，都曾聽過鯊魚被割下魚鰭後，被直接拋下海底自生自滅的報道。又或者，上YouTube看完「機場阿嬸」，會順道收看「惡搞魚翅版」，知道2009年是國際護鯊年。
