終於搬了
Posted by: gloseep on: 2009/01/06
- In: 未分類
- Comment!
幾經讀者與好友連番頂唔順和催谷，Glo’s New Deep這個博客終於搬。
早就承諾零八年內要起新屋的，但由於現實生活有太多事情要整理和吸收，故不得不將抒發與表達的欲望推延。當然，身為專業編輯，趕死線是應份的，唯有效法ICC，一邊起一邊收租，再暗中班朋友逐步救亡；又或像iPhone，先推出個不完美初版，才令人更期待改良版。
寫博客，總被兩個矛盾困擾。第一矛盾，是應不應該為博客做市場推廣，增加瀏覽率和擴大讀者群，這是兩個自我的掙扎，一個只顧及自己所想，一個恒常需要別人關注和認同。有些題目，明知會Sell的，例如世紀賤男、曖昧、潮語、扮靚、港男港女、辦公室政治……我有答案，但不想寫，只想寫能衝撃和帶領自己的題目。我也知道，讓博客盡量多媒體，別人較傾向Click進來，但我最喜歡字，也最想和最能夠專注字。
目前的定位，是希望默默經營好這個博客，同時能吸引自己想引的人進來，就如開一間要捐窿捐罅才找到的濃郁朱古力店，只有喜歡50%以上純黑朱古力的人才會走進來，享受愈做愈Fine的味美，卻又未至於出名得引來長龍，擠進一心想吃白朱古力和金莎的人。這樣，客人能享一片幽靜地，共同交流相同品位。
另一矛盾，是要不要讓真身曝光。這也是兩個自我的掙扎，一個怕被人點相監察，一個有私密的暴露狂。有時，的確想曬曬我跳鋼管舞個索樣（或傻樣），谷谷人氣，但假如像張茆那樣自拍成狂，那麼在約會、吃飯、上床時，便多了許多就鏡頭拍靚樣的時刻，我已經太忙、也太累去做這些了。
於是，我決定像川久保鈴那樣，在虛擬世界深居簡出，相信會型一點，況且，我在這裡寫很多自己的Darker Side，讀者見了我的童顏，真係乜野神秘感都無哂。
就這樣安排吧。
12 Responses to "終於搬了"
2009/01/07 at 6:57 am
to Yun,
多謝你的催俗，這幾個月內一直活在你的陰影下，哈!!!
to Joyce,
Header還是暫定的，應該要design下，而家仲figure out梗wordpress點玩…..
2009/01/08 at 2:12 am
真係架，不是你的隱形壓力，真係有機會摺左個blog。感謝你給予強大的motivation!!! 我會認真想想你的提議的。
happy new year too, honey~
2009/01/15 at 4:57 am
今日先來賀喜，唔好意思 
然後按你寫o既次序畀意見。
我以為，做「工餘o野」或義工唔可能唔負責，但條線要唔要劃得同工作一樣高，人言人殊。我自己o既做法會係，唔係必要，盡量只同自己承諾，起碼外傷冇咁重；當然律己太寬o既話，又會出現另一個問題：自己不斷餵自己食生菜（因為「發誓當食生菜」）也。
開blog，好似開舖，係公開事，set密碼都不過係如開會所。但唔搞唔勤力亦唔會執笠，亦毋須太遷就外人，除非觀點同表達手法會傷到好多人，或令自己帶來麻煩。題材亦如是，search engine而家咁掂，除非寫得好悶，或／同人o地睇完覺得唔過癮或無料到，唔會冇人睇，只怕少人睇時自己安唔安樂，如何自處——真係識得有人曾經因為寫N篇零留言，心灰意冷o架——。你o既「目前定位」唔錯，可以繼續；不過，大家又唔係唔知有o的niche舖頭仔最後又係引晒一大堆人來潮聖，一旦有朝如是，希望你把持得住，唔使因為下下想遷就大眾，反轉頭搞砸檔攤。
亦唔覺得多媒體一定引到更多人，有o的o野用字最方便講。但篇幅有時真係兩難：一篇五六千字，可能趕客，但同時又可能帶來幾個新朋友，可唔可能理得咁多呢？
真身，嗯，o的人暫時認臉叻，如果有邊位擅長認身認腿認腩，歡迎搵我，我想學返一招半式。即係呢，唔出臉暫時風險不大。不過要唔要真身，你可能要先評估下，你出真身，或表明身份後，下一秒鐘至未來二十年有幾大風險，包括生活、事業、愛情及其他；謹慎少少o既wild guess都已經得，咁你就可以答到自己。
而一旦出真身，一切都要solid and careful，少少自覺都已經好唔同。
希望幫到你。
2009/01/15 at 6:49 am
漏提一樣，wordpress將漢字title轉做link好唔掂，幾隻字就會變成%e7%b5%82%e6%96%bc咁，可以試以下方法：
settings -> permalinks -> o係common settings下選唔包括”name” o既任何一個選項
當然，可以篇篇用字母（唔係全形英文字喎）為題，但未必過癮哉。
2009/01/07 at 6:25 am
是呀﹐終於搬了!!
期待。
^^